Топлинската пумпа чини од 147.600 ден (Kaisai R290 12 kW) до 221.199 ден (Kaisai Arctic 16 kW), со ДДВ. Сама по себе таа е само изворот на топлина. За да се грее една куќа, пумпата мора да биде поврзана во систем: бојлер за топла вода, буфер, циркулациони пумпи, вентили и цевки. Големината и изборот на секој елемент зависат од квадратурата, изолацијата и од тоа дали греете со подно греење или со радијатори. Ако сакате пумпата и да лади преку лето, системот се изведува со вентилоконвектори, бидејќи радијаторите не ладат. Затоа кај нас не купувате само пумпа, туку комплетен систем за греење, ладење и топла вода, проектиран за вашиот објект. Понуда со вкупна цена ви подготвуваме по телефон.

За куќа од 120 m² во Скопје околу 3.000 kWh струја за сезона со подно греење и околу 4.300 kWh со радијатори, за истата топлина за која електричен котел троши 12.000 до 15.000 kWh, а котел на пелети 3 до 3,5 тони. Вашата бројка зависи од температурата што ја сакате внатре, од зимата, од изолацијата и од температурата на водата во системот. Буфер и правилно димензиониран систем ја држат пумпата во најефикасниот режим.

Двете изведби имаат ист компресор и иста ефикасност, разликата е каде е водата. Кај моноблок сè е во надворешната единица, фабрички наполнета со фреон, а до куќата одат само две цевки со вода. Тие цевки се надвор, затоа системот се полни со антифриз или се вградува вентил против смрзнување Caleffi iStop, кој автоматски ја испушта водата ако температурата падне при прекин на струја. Кај сплит надворешната единица е фреонски поврзана со хидробокс внатре во куќата: водата се грее внатре, никогаш не излегува надвор и нема ризик од мраз, а единицата може да стои и подалеку од котларата. За стари радијатори на 60–70 °C единствен избор е R290 моноблок, кој грее вода до 70 °C.

Ориентационо: 10 до 12 kW за куќа од 100 до 150 m² со добра изолација, 14 до 16 kW за поголема или послабо изолирана куќа. Ако куќата нема изолација, фасадата е прва инвестиција: по неа е доволна помала и поевтина пумпа. За точна моќност ни требаат три податоци: квадратура, изолација и дали греете со подно греење или со радијатори.

Да. Kaisai и Auratsu моделите се декларирани до −25 °C. На голем студ даваат помалку моќност, затоа димензионираме со резерва за најстудените денови.

Субвенциите се менуваат од година во година и по општини: има државни програми за домаќинства, општински повици и GEFF кредити преку банки со грант од ЕУ. Топлинските пумпи Kaisai Arctic (моноблок и сплит, 10 до 16 kW) и Auratsu (10 и 16 kW) што ги нудиме се на листата на одобрени технологии на GEFF програмата на ЕБРД за Македонија, па за нив може да се добие кредит со грант преку партнерските банки. На страницата тие модели ги означуваме со GEFF ознака. Kaisai R290 сè уште не е на листата. Проверете и во вашата општина и во Министерството за економија; ние ви ги даваме сите документи за опремата што се бараат при аплицирање.

Моноблок со природен фреон R290 (пропан), новата генерација на Kaisai. Има многу низок GWP и повисока температура на водата, па оди и со постоечки радијатори, а работи до −25 °C.

Да. Todo Sistem е официјален дистрибутер на Kaisai за Македонија, со сервис и резервни делови за Kaisai и Auratsu. Гаранцијата е 3 години.